“Манчестер Сити”да ички танловлар, трансферлар ва юлдузлар тақдири
Футболчи 2021 йили оиласи учун ҳашаматли уй сотиб олганди. Бир муддат ота-онаси билан яшаган, кейин севгилисиникига кўчиб ўтган. Энди эса Фоденлар оиласи 3 миллион фунтлик бу уйни сотувга қўйди.
“The Sun” ёзишича, уйда тез-тез ўтказиладиган зиёфатлар қўшнилар норозилигига сабаб бўлган. Шунингдек, яқиндаги дербилардан бирида Фоденнинг онаси ҳақоратланган, бу эса ўйинчига оғир ботган.
Фоден “Сити”нинг ўз тарбияланувчиси. У 2017 йилдан бери жамоа шарафини ҳимоя қилмоқда. Ҳозиргача 352 та ўйин, 118 та гол, 73 та ассист.
Футболчининг амалдаги шартномаси 2027 йилгача, трансфер нархи Transfermarkt маълумотларига кўра 130 миллион евро.
"Абдуқодир Ҳусанов янги келганида унга мен ўзим ёрдам берганман. Таланти бор, лекин ёш футболчини қўллаш керак. Мен ўша даврда ўзимни ҳимоячи эмас, катта акадек туйгандим", – деган эди Фил Фоден февраль ойидаги интервьюсида.
Де Брюйне қаерда ўйнайди? Оила ҳал қилади
“Сити”да сўнгги йиллардаги муваффақиятлар ортида турган Кевин де Брюйне мавсум охирида жамоани тарк этишини маълум қилди.
34 ёшли бельгиялик ҳозирда Саудия Арабистони, АҚШ (“Интер Майами” жумладан) ва ҳатто Премьер-лига клубларидан таклифлар кутаяпти.
"Мен энди ёш эмасман, лекин юқори савияда ўйнашга ҳали тайёрман. Қаерда ўйнашимни аввало оилам билан муҳокама қиламан. Футболда барчаси бир кунда ҳал бўлмайди", – дейди у.
Кевиннинг айтишича, у ҳозирча ҳеч бир клубга "ҳа" демаган. Лекин Англияда фаолияти тўхтамаган, деб ўйлайди.
“Сити” Ҳусанов келган лигадан яна бир талантга кўз тикди
Январда Абдуқодир Ҳусановни Франциянинг “Ланс” жамоасидан 50 млн еврога сотиб олган “Сити”, энди Лига 1да яна бир иқтидорни нишонга олди.
Бу гал навбат “Монако”да тўп сураётган Магнес Аклиушга келди. У 23 ёшда, ҳозирча ҳужумкор ярим ҳимоячи сифатида ўйнайди.
“ПСЖ” ҳам уни диққат билан кузатмоқда. Жорий мавсумда Аклиуш 38 ўйин, 6 гол, 9 ассист билан ажралиб турди. Унинг шартномаси 2028 йилгача.
Transfermarkt томонидан унинг трансфер баҳоси 40 миллион евро деб кўрсатилган.