Драган Черан: ҳакамнинг хатолари, кўп гол уролмаётгани ва "Пахтакор"дан кетиши ҳақида
- Бугунги ўйин ҳақида фикр билдирсангиз.
- Яхши ўйин бўлди. Кўп голлар урилди. Афсуски, ютқаздик. Ҳимояда кўп хатоларга йўл қўйдик. Охир-оқибат жуда кўп гол ўтказиб юбордик. Олтита гол. Бу жуда кўп. Ҳа, эҳтимол, кубокка кераклича жиддий ёндашмагандирмиз. Аммо олдинда чемпионат, Суперкубок бор. Кейин эса Элит Чемпионлар лигаси. Шунинг учун бу ютқазиш, албатта, ачинарли. Хуллас, олға юришда давом этамиз.
- Иккинчи бўлим бошида ҳакамга эътироз билдирганингиз учун сизга сариқ карточка кўрсатилди. Жиддий эътирозда қанчалик асос бор эди?
- Одатдагидек, шунчаки ҳакам билан гаплашмоқчи эдим. Фикримизни билдирмоқчи, фикр алмашмоқчи эдик. У бугун жуда зиддиятли эди, шундай дейиш мумкин. У бир неча марта яққол "Пахтакор" фойдасига хато қилди. Бу ҳам, албатта, озгина таъсир кўрсатди, лекин... Улар ҳам одам, хато қилишлари мумкин, шунинг учун ҳечқиси йўқ.
- Сизни Ўзбекистоннинг кўп йиллик тўпурари сифатида яхши биламиз. Аммо бу йилги кўрсаткичларингиз яхши эмас. Бунга сабаб нимада?
- Бу йилги мақсад бошқа. Менинг вазифам – ёшларга ва "Насаф"га ёрдам бериш. Нафақат шахсан, балки жамоавий тарзда ҳам ёрдам бериш керак. Яна бир бор чемпион бўлишимиз ва нимага қодир эканлигимизни кўрсатишимиз зарур. Бизда яхши жамоа жамланган.
- "Пахтакор" сиз билан муносиб хайрлашмаганидан хафамисиз?
- Бу энди тарих бўлиб қолди. Унга ортиқ қайтмайлик.
Манба: championat.asia