Ўзбекистонлик сайёҳларнинг БААга сафарлари кескин кўпайди: Амирликлар ўзбеклар учун энг севимли манзиллардан бирига айланмоқда
Бу кўрсаткич ўтган йилнинг шу даври билан таққослаганда 6,3 минг кишига ёки 16,2 фоизга ошганини кўрсатмоқда. Бу эса Амирликлар ўзбекистонликлар учун янада оммабоп туристик манзилга айланаётганидан далолатдир.
Ўзбекистонлик туристларнинг БААга сафар қилиш сабаблари турлича бўлиб, уларнинг асосий қисми, яъни 39 172 нафари, саёҳат қилиш ва дам олишни мақсад қилган. Бундан ташқари, 5 024 нафар фуқаро қариндош-уруғларини йўқлаш мақсадида, 363 киши эса хизмат сафари билан Амирликларга борган.
Шу билан бирга, БААга даволаниш учун борган ўзбекистонликлар сони 167 нафарни ташкил этган бўлса, таълим олиш учун борган талабалар сони 70 нафарни ташкил этмоқда.
Экспертлар фикрича, БААнинг сифатли хизмат кўрсатиш тизими, қулай ва замонавий инфратузилмаси, шунингдек, Ўзбекистон билан авиаалоқаларнинг кенгайиши сайёҳлар оқимининг ошишига ижобий таъсир кўрсатган.
Таҳлилчилар, агар мазкур тенденция сақланиб қолса, келгуси йилларда БААга борадиган ўзбекистонлик сайёҳларнинг сони янада ўсиши мумкинлигини таъкидламоқда. Шунингдек, икки мамлакат ўртасидаги туризм соҳасидаги ҳамкорликнинг янада ривожланиши учун катта имкониятлар мавжудлиги айтилмоқда.