Бу ҳафта олтиннинг сотув нархи қанчага ошгани маълум бўлди

Ўзбекистон Республикаси Марказий банки томонидан эълон қилинган олтин қуймаларнинг кунлик сотув нархлари бўйича мониторинг натижалари шуни кўрсатмоқдаки, 2025-йилнинг навбатдаги иш ҳафтасида олтин нархи ўсиш тенденциясини намоён этди. Ҳафталик таҳлилга кўра, бир грамм олтин нархи умумий ҳисобда 13 000 сўмга ошди. Бу эса энг кичик 5 граммлик олтин қуйманинг нархи 65 000 сўмга қимматлашганини кўрсатади.

Кунлик ўзгаришлар қуйидагича бўлди (1 грамм олтин учун):
Душанба: +8800 сўм
Сешанба: +2800 сўм
Чоршанба: +1600 сўм
Пайшанба: +6200 сўм
Жума: -6400 сўм

Мутахассисларининг фикрича, глобал геосиёсий вазиятлар, халқаро молия бозорларидаги ўзгаришлар ва валюта курсларининг тебраниши Ўзбекистон олтин нархларига ҳам бевосита таъсир кўрсатмоқда. Шунингдек, аҳолининг инвестицион мақсадларда олтин қуймаларини харид қилишга бўлган қизиқиши нархларга қўшимча босим сифатида таъсир қилмоқда.