Усмон Дембеле — “Олтин тўп” учун асосий фаворит: таҳлилчилар фикри қандай?
Европа футболида йилнинг энг нуфузли индивидуал мукофотларидан бири саналган “Олтин тўп” сари йўл қизғин баҳсларга тўла, деб ёзади goal.com. Таниқли таҳлилий хизматнинг сўнгги маълумотларига кўра, айни пайтда “ПСЖ” клуби қанот ҳужумчиси Усмон Дембеле ушбу соврин учун асосий даъвогар сифатида қайд этилган.
Тахлилчилар рейтингга кўра, “Барселона”нинг ёш таланти Ламин Ямаль иккинчи ўринда турибди. ПСЖ таркибидан яна бир футболчи — Витинья рейтингда кучли учликни якунлади. Мавсум давомида кўрсатилган ўйин ва натижалар ушбу футболчиларни мукофот учун жиддий рақобатга олиб келди.
Кучли ўнликда эса бир қатор жаҳон юлдузлари жой олган. Улар орасида “Барселона” ва “ПСЖ” клуби аъзолари кўпчиликни ташкил қилади. Ямаль ва Дембеленинг катта имкониятлари таҳлилчилар эътибор марказида бўлиб, ҳар бир ўйин улар учун навбатдаги имтиҳонга айланмоқда.
Қуйида “Олтин тўп” учун энг жиддий даъвогарлар рейтинги билан танишинг:
-
Усмон Дембеле (“ПСЖ”, Франция)
-
Ламин Ямаль (“Барселона”, Испания)
-
Витинья (“ПСЖ”, Португалия)
-
Рафинья (“Барселона”, Бразилия)
-
Муҳаммад Салоҳ (“Ливерпуль”, Миср)
-
Килиан Мбаппе (“Реал” Мадрид, Франция)
-
Ашраф Хакими (“ПСЖ”, Марокаш)
-
Дезире Дуэ (“ПСЖ”, Франция)
-
Хвича Кварацхелия (“ПСЖ”, Грузия)
-
Нуну Мендеш (“ПСЖ”, Франция)
Мутахассислар таъкидлашича, ҳозирги рейтинг — мавсумнинг натижалари ва шахсий ютуқлар асосида шаклланган. Янги ўйинлар ва катта мусобақалар эса бу рейтингга ўзгариш киритиши мумкин. “Олтин тўп” учун кураш борасида интрига юқори бўлиб қолмоқда ва йил охирида қайси футболчи энг юқори баҳога сазовор бўлиши барча мухлислар учун катта қизиқиш уйғотмоқда.