Биҳарда ўликлар ва такрорий номлар сайловчилар сифатида қайд этилган
Ҳиндистоннинг Бихар штатида ноябрь ойидаги сайловлар олдидан сайловчилар рўйхати янгиланди. Янги рўйхатда 6,5 миллионга кам ном қайд этилиб, айрим сайловчиларнинг суратлари нотўғри қўйилгани, такрорий ёзувлар ва вафот этган шахслар ҳам киритилгани аниқланди.
Марказий сайлов комиссияси ўтказган махсус интенсив қайта кўриб чиқиш жараёни 25-июндан 26-июлгача давом этиб, жами 78,9 миллион сайловчи текширилди. Натижада 2,2 миллион ўлик, 700 минг такрорий ном ва 3,6 миллион кўчиб кетган киши рўйхатдан чиқарилган.
Мухолифат партиялари айрим ҳудудларда, хусусан мусулмон аҳолиси кўп бўлган чегара туманларида сайловчилар атайлаб рўйхатдан чиқарилаётганини даъво қилмоқда. Сайлов комиссияси буни рад этиб, жараён фақат рўйхатдаги хатоларни тузатишга қаратилганини билдирди.
Аҳоли вакиллари рўйхатда кўплаб хатоликлар, жумладан, нотўғри фотосуратлар ва вафот этган қариндошлари номлари қолиб кетганини айтишмоқда. Айримлар эса сайлов ҳуқуқидан маҳрум бўлиш уларни ижтимоий ёрдам ва имтиёзлардан ажратиши мумкинлигидан хавотир билдирди.
Масала мамлакат парламенти ва Олий судда ҳам муҳокама қилинмоқда. 1-сентябргача рўйхатдаги хатоларни тузатиш учун 165 мингдан ортиқ ариза топширилган.