Трамп австралиялик журналист билан тортишди
АҚШ президенти Дональд Трамп Австралия телеканали ABC журналисти Жон Лайонс билан савол-жавоб чоғида бахслашди. Журналист ундан президентликка қайтгач бойлиги қанчага ошгани ҳақида сўради. Трамп бу саволни “Австралияга зарар” деб бахолаб, норозилик билдирди.
Трамп фарзандлари бизнесни бошқаришини айтиб, саволдан қочди. У Австралия бош вазири Энтони Албанесе билан тез орада учрашишини эслатиб, “Мен унга сиз ҳақида айтаман”, деди. Кейинги савол берилганда эса журналистни “жим” бўлишга чақирди.
Сўнгги пайтда АҚШ ва Австралия муносабатлари совуқлашган. АҚШ Австралия экспортларига қўшимча бож қўйди. Албанесе буни “дўстона муносабатга зид” деб бахолади.
Лайонс Трампнинг муносабатини асоссиз деб атади. У саволларини одатий ва холиc деб таърифлади. ABC эса саволлар президентнинг бизнес фаолиятини текширувчи дастур доирасида берилганини маълум қилди.