Эндрик «Лион»да «Реал»дан келиб рекорд ўрнатди
Франциянинг «Лион» клуби янги футболчиси Эндрик Мадриднинг «Реал» жамоасидан ижара асосида ўтганидан сўнг клуб рекордчисига айланди. Бир неча кун аввал «тўқувчилар» ижтимоий тармоқларда юлдузли янги футболчи тақдимотига бағишланган видеони жойлаштирди.
Ушбу ролик француз клуби ижтимоий тармоқлари тарихидаги энг кўп томоша қилинган видео бўлди — 1,1 миллиондан ортиқ кўриш қайд этилди. Бу ҳақда The Touchline хабар берди.
Эндрик «Лион» сафидаги дебют учрашувини 3 январ куни ўтказиши мумкин. «Тўқувчилар»га бу баҳсда «Монако» рақиб бўлади.
Франция чемпионатининг 16-туридан сўнг «Лион» 27 очко жамғарган ва турнир жадвалида бешинчи ўринда бормоқда.