Роналдули «Ал-Наср» «Ал-Аҳли»га 3:2 ҳисобида ютқазди
Мавсумдаги илк очко йўқотишдан кейин «Ал-Наср» сафардa чемпионатнинг кучли даъвогарларидан бири — «Ал-Аҳли»га қарши майдонга тушди. Бу ҳақда euro-football.ru хабар беради.
Учрашув жуда эрта хавфли эпизодлар билан бошланди: «Ал-Аҳли» биринчи дақиқадаёқ кетма-кет икки марта гол уришга яқин келди. 7-дақиқада эса Галенонинг узатмасидан сўнг Айван Тони дарвозани аниқ нишонга олиб, ҳисобни очди — 1:0. Орадан кўп ўтмай Тони чуқурликдан ташланган узатмага офсайдсиз чиқиб, узоқ бурчакни нишонга олди ва дублини расмийлаштирди — 2:0.
«Ал-Наср» 31-дақиқада интригани қайтарди: Абдулилeҳ ал-Амри узоқдан зарба берди, дарвозабон тўпни ушлаш ўрнига қўллари билан ўз дарвозасига йўналтириб юборди — 2:1. Бироқ «Ал-Аҳли» яна бир неча бор устунлигини оширишга яқин бўлди.
44-дақиқада меҳмонлар ҳисобни тенглаштирди: Марсело Брозович бурчакдан тўп узатди, ал-Амри эса бош билан чап бурчакка йўллади — 2:2. Танаффус арафасида Тони хет-трикни расмийлаштириш имкониятини ҳам қўлдан бой берди.
Иккинчи бўлимда мезбонлар яна олдинга чиқди: 55-дақиқада стандарт вазиятдан кейин Айван Тони тўпни тепиб кўтарди, Мериҳ Демирал эса бош билан аниқ зарба йўллаб, ҳисобни 3:2 кўринишига келтирди.
Ўйин охирида кескинлик кучайди: Али Мажраши Жоау Фелишнинг юз қисмига зарба бергани учун тўғридан-тўғри қизил карточка олди. Кейинроқ VAR тавсиясидан сўнг Наваф ал-Бушайл ҳам рақибнинг яққол голли вазиятини тўхтатгани учун майдондан четлатилди.
Криштиану Роналду бу сафар ҳисобни оча олмади. «Ал-Наср» кетма-кет иккинчи ўйинда очко йўқотди ва тур якунига кўра пешқадамликни бой бериши мумкин. «Ал-Аҳли» эса турнир жадвалида тўртинчи ўринда бормоқда.