Оила бу синов — янги турк сериали қачон чиқади: сюжет, актёрлар ва маълум тафсилотлар
Туркиянинг "Оила бу синов" (Aile Bir Imtihandir) номли янги драмаси 2025–2026 йилги мавсумнинг энг кутилган лойиҳаларидан бири сифатида тилга олинмоқда. Сериал оилавий ришталардаги мураккабликлар, ўтмиш жароҳатлари ва ахлоқий танловлар мавзусини марказга олиб чиқади. Бу ҳақда kursiv.uz хабар беради.
Маълумотларга кўра, лойиҳа ATV телеканалида намойиш этилиши режалаштирилган. Премьера санаси 2026 йил 13 январ этиб белгиланган, кўрсатув ҳафтасига бир марта prime-time’да эфирга узатилади. Теледастурдан кейин қисмлар телеканалнинг рақамли платформаларида ҳам пайдо бўлиши кутилмоқда.
Ҳикоя марказида Доган исмли муваффақиятли жарроҳ туради. У йиллар аввал ўз оиласи билан алоқаларни узиб, туғилиб ўсган юртидан узоқда карьера қилишни танлаган. Бироқ муҳим бир оилавий воқеа сабаб у қайтишга мажбур бўлади ва айнан шу пайтдан бошлаб ўтмиш яна эшик қоқади.
Қайтиш Доган учун эски ранжлар, яширин сирлар ва ҳал бўлмаган можаролар занжирини ишга туширади. Ташқаридан аҳил кўринган оила аслида жуда нозик тизим экани аён бўлади: ҳар бир қаҳрамоннинг ўз ҳақиқатлари ҳам, ўз айблари ҳам бор.
Сериал давомида шахсий муваффақият билан оилавий бурч тўқнашуви, анъаналар босими ва қариндошлар кутган талаблар, шунингдек ўтмишдан узилишнинг қиммат баҳоси изчил очиб борилади.
Асосий ролларни таниқли турк актёрлари ижро этиши айтилаётгани маълум. Шунингдек, иккинчи пландаги қаҳрамонлар — Доганнинг ота-онаси, ака-укалари ва опа-сингиллари — воқеалар ривожига кучли таъсир кўрсатадиган образлар сифатида тақдим этилади.
Лойиҳа OGM Pictures студияси томонидан ишлаб чиқарилаётгани қайд этилган. Сценарий ва режиссура эмоционал оҳанг, йирик диалоглар ҳамда қаҳрамон характерларини секин-аста очиб боришга урғу бериши билан ажралиб туради. Сериал узоқ муддатли ҳикоя сифатида режалаштирилгани, асосий эътибор эса қаҳрамонларнинг ички ўзгаришларига қаратиллиши билдирилган.