«Боруссия» «Унион»ни йирик мағлуб этиб, «Бавария»га яқинлашди
Дортмунднинг «Боруссия»си Бундеслиганинг 19-турида «Унион» майдонига сафар қилиб, турнир жадвалидаги етакчи «Бавария»га яқинлашиш учун муҳим имкониятга эга эди. Бу ҳақда euro-football.ru хабар беради.
Учрашувнинг 7-дақиқасида Серу Гирасси рақиб жарима майдонида йиқитилди ва ҳакам нуқтани кўрсатди. Пенальти зарбасини Эмре Жан ижро этди: дарвозабон йўналишни топишга яқин бўлса-да, тўп дарвозага жой олди (0:1). Кейинроқ Жоб Беллингҳем қулай вазиятда ҳимоячига тегизиб юборди, Фабио Силванинг қайта зарбаси эса аниқ чиқмади. «Унион» ҳам бурчак зарбасидан сўнг Диогу Лейтенинг бош билан йўллаган хавфли зарбаси орқали жавоб қайтарди, бироқ дарвозабон жамоасини қутқарди.
Иккинчи бўлимнинг 53-дақиқасида «Боруссия» устунлигини оширди: корнердан узатилган тўпга Нико Шлоттербек бош билан аниқ зарба йўллади (0:2). Ўйин охирида дортмундликлар кетма-кет ҳужумларда яна бир неча имконият яратди — Гирасси тўпни устун ёнидан ўтказиб юборди. Орадан кўп ўтмай, Максимилиан Байер комбинацияни якунлаб, ҳисобни йирик кўринишга келтирди (0:3).
Ушбу ғалабадан сўнг «Боруссия» 2-ўринни эгаллаб турибди ва «Бавария»дан 8 очко орқада бормоқда. «Унион» эса 9-поғонада қолмоқда.