Павлович «Лейпциг» билан тортишув сабабини тушунтирди
«Бавария» ярим ҳимоячиси Александр Павлович «РБ Лейпциг» футболчилари билан бўлиб ўтган баҳсли вазият ҳақида фикр билдирди. Бу ҳақда euro-football.ru хабар беради.
Германия кубоги чорак финалида мюнхенликлар 2:0 ҳисобида ғалаба қозонди. Учрашувнинг иккинчи бўлимида майдонда кичик тортишув юзага келиб, унинг якунида Павлович сариқ карточка олди.
«Мен ўзимни ортиқча тажовузкор тутдим, бундай ҳолат менга ярашмайди. Аммо эмоция — футболнинг бир қисми. Жамалга кераксиз тарзда қўпол ўйнашди, шунинг учун жаҳлим чиқди. Аслида вазмин бўлишим керак эди, лекин ўша пайтда ҳаммаси Жамал учун эди», — дея Павловичнинг сўзларини Bayern & Germany келтирди.
«Бавария» навбатдаги ўйинини 14 февраль куни «Вердер»га қарши ўтказади. Бундеслиганинг 22-тур баҳси 19:30 да (Тошкент вақти билан) бошланиши режалаштирилган.