«Боруссия» Дортмунд «Майнц»ни йирик ҳисобда мағлуб этди
Германия Бундеслигасининг 22-тури «Сигнал Идуна Парк»да бўлиб ўтган «Боруссия» Дортмунд – «Майнц» учрашуви билан бошланди. Мезбонлар илк дақиқаларданоқ босимни кучайтириб, ўйин тақдирини тезда ҳал қилди. Бу ҳақда euro-football.ru хабар беради.
10-дақиқада Юлиан Риерсоннинг узатмасидан сўнг Серу Гирасси бош билан ҳисобни очди. Орадан беш дақиқа ўтиб, Риерсоннинг навбатдаги аниқ кросси Максимилиан Байерга гол уриш имконини берди — 2:0. Биринчи бўлим якунига яқин Гирасси яна Риерсоннинг пасидан фойдаланди ва дубл қайд этиб, танаффусга 3:0 ҳисобида олиб чиқди.
Иккинчи бўлимда «Майнц» дарвозабони бир неча бор жамоасини қутқариб қолди: Феликс Нмечанинг хавфли зарбаси қайтарилди, бурчакдан кейин Шералдо Бекер йўллаган тўпда ҳам посбон ҳушёр бўлди. Бироқ 84-дақиқада Риерсон ижро этган навбатдаги бурчак зарбасидан сўнг Доминик Кор тўпни ўз дарвозасига киритиб юборди — 4:0.
Йирик ғалабадан кейин «Боруссия» турнир жадвалида «Бавария»дан атиги уч очко ортда қолди. «Майнц» эса пастки қисмда, охиридан бешинчи ўринда турибди.