Мартинович Ҳавертс билан майдондаги қизиқ суҳбатни эслади
«Қайрат» ҳимоячиси Александр Мартинович Чемпионлар лигасидаги «Арсенал»га қарши ўйиндан кейин лондонликлар ҳужумчиси Кайо Ҳавертс билан бўлган кулгили суҳбат тафсилотларини айтиб берди. Немис футболчиси Мартиновичнинг юзини қаердандир танигандек туюлган. Бу ҳақда euro-football.ru хабар беради.
Мартиновичнинг сўзларига кўра, Ҳавертс ундан: «Нега билмадим, юзингиз менга жуда таниш», деб сўраган. Бунга жавобан «Қайрат» футболчиси аввалроқ «Байер»га қарши ўйинларда устун келишганини, шунингдек, Ҳавертс «Челси»да тўп сурган даврда ҳам рақиб сифатида бир неча бор рўпара келишганини эслатган.
Мартинович Ҳавертснинг ўйин футболкаси унинг шахсий коллекциясида борлигини ҳам қўшимча қилди. Шунингдек, Александр фаолияти давомида Россияда «Краснодар», «Урал» ва «Рубин» сафида ҳам ўйнаган.
Эслатиб ўтамиз, «Арсенал» ва «Қайрат» январ охирида Чемпионлар лигаси умумий босқичининг сўнгги турида тўқнаш келганди. Лондонда ўтган баҳсда мезбонлар 3:2 ҳисобида ғалаба қозонган.