«Бавария» Ким Мин Же бўйича таклифларни кўриб чиқишга тайёр
«Бавария» марказий ҳимоячиси Ким Мин Же яқин орада Мюнхен клубини тарк этиши мумкин. Бу ҳақда euro-football.ru хабар беради.
Аввалроқ футболчига Англия Премьер-лигасининг икки жамоаси қизиқиш билдираётгани ҳақида хабарлар тарқалган эди.
SPORT BILD маълумотига кўра, «Бавария» спорт директори Макс Эберл ўтган ёздаёқ Ким Мин Женинг вакилларига клуб яхши таклиф тушса, у билан хайрлашишга тайёрлигини билдирган. Таъкидланишича, мюнхенликлар позицияси ҳануз ўзгаргани йўқ. Шунга қарамай, футболчининг ўзи Мюнхенда ўзини эркин ҳис қилмоқда ва жамоада берилган ҳозирги ролини қабул қилган.
Жорий мавсумда 29 ёшли жанубий кореялик ҳимоячи барча турнирларда 23 та учрашувда майдонга тушиб, 1 та гол урди ва 1 та голли узатмани амалга оширди.