«Брест» «Марсел»ни ишончли мағлуб этиб, муаммосиз ўтди
Франция чемпионатида «Марсел» топ-учликдан янада узоқлашиб кетиш хавфи остида қолди. «Бело-голубойлар» сафарда «Брест»га қарши суст ўйин кўрсатди ва омадсиз натижалар сериясини давом эттирди. Бу ҳақда euro-football.ru хабар беради.
Учрашувнинг 10-дақиқасидаёқ мезбонлар ҳисобни очди: «Марсел» ҳимояси ҳаводаги тўпда ютқазгандек кўринган вазиятдан сўнг Людовик Ажорк «Брест»ни олдинга олиб чиқди — 1:0. Орадан беш дақиқа ўтиб Ажорк яна бўш қолиб зарба берди, бироқ тўп дарвоза устунлари ёнидан ўтиб кетди. 29-дақиқада эса Уго Манъеттининг узатмасидан кейин Ажорк бош билан аниқ якунлаб, дублини расмийлаштирди — 2:0.
Кейинги дақиқаларда «Брест» яна бир неча бор хавфли ҳужумлар уюштирди: Ромен дел Кастильонинг узатмасидан сўнг Хуниор Диас бош билан бурчакка йўналтиришга яқин келди, Эрик Эбимбе Ажоркни жарима майдонида топди, ҳужумчи эса тўпни тўсинга тегкизди.
Ўйиннинг бир соатига яқин қолганда «Марсел»нинг илк жиддий имконияти юзага келди — Пер-Эмерик Обамеянг эркин ҳолатда зарба берди, аммо нишонга аниқ йўллай олмади. Якунда Мейсон Гринвуд жарима майдонида йиқитилди ва ҳакам пеналти белгилади. 11 метрлик зарбани Гринвуднинг ўзи ижро этди, бироқ дарвозабон унинг зарбасини қайтарди.
Натижада «Брест» 2:0 ҳисобида ғалаба қозонди ва турнир жадвалида 10-ўринга кўтарилди. «Марсел» эса 4-ўринда қолди.