Хонанда Тоҳир Содиқовнинг фикрича куёвни қандай танлаш лозим?
Ўзбекистон санъатида ўз ўрнига эга бўлган хонанда Тоҳир Содиқов икки қизини турмушга узатган ота сифатида куйов танлаш масаласида ўз қарашлари билан ўртоқлашди. Интервьюлардан бирида у фарзанд тарбияси ва оилавий қадриятлар ҳақида самимий фикр билдирди.
Санъаткорнинг айтишича, у қизларини мустақил фикрлайдиган, ҳаётда ўз йўлини топа оладиган шахс сифатида тарбиялаган. “Мен қизларимга шунақа тарбия берганманки, улар ўзи мустақил танлай оладиган шахс бўлиб етишган, улар ўзлари севишиб турмуш қуришган”, дейди у.
Тоҳир Содиқовнинг фикрича, куёвни танлаш жараёнида ташқи омиллардан кўра инсоннинг ички дунёси муҳимроқ. Унга кўра, энг аввало йигитнинг одамийлиги ва характерига эътибор қаратиш лозим.
Хонанда куйов танлаш “керак” ёки “керак эмас” деган мезондан кўра, инсоний фазилатлар устувор бўлиши кераклигини таъкидлайди. Унингча, мустаҳкам оила айнан ўзаро ҳурмат ва соғлом характер асосида қурилади.