Юлдуз Турдиева: "Ўзим биринчи узр сўрайман"
Хонанда Юлдуз Турдиева турмуш ўртоғига бўлган муҳаббати ўзгача эканини, улар баъзан жанжаллашиб туришларини ва кўпинча ярашиш учун биринчи бўлиб ўзи узр сўрашини очиқлади.
— Шу кунгача етиб келишимда ота-онам, яқинларим ва турмуш ўртоғимнинг ўрни алоҳида. Улуғбек мени қўллаб-қувватламаса, авайлаб-асрамаса, бунақа ижод қила олмасдим. Шунинг учун унга бўлган муҳаббатим, албатта, бошқача, — деди хонанда.
Суҳбат давомида ундан турмуш ўртоғи билан жанжаллашиб туриш-турмаслиги сўралганда, Юлдуз Турдиева қуйидагича жавоб берди:
— Ҳа, албатта, бўлиб туради. Аслида рашк қиламан. “Нотўғри рашк” дейдию шунақа. Ҳаётда рашк ҳам, севги ҳам, жанжал ва тушунмовчиликлар ҳам бўлади. Лекин бир томон жим бўлса, ҳаёт гўзал бўлади.
Шунингдек, “Урушиб қолганингизда ким биринчи бўлиб узр сўрайди?” деган саволга хонанда шундай деди:
— Улуғбек ҳеч қачон биринчи бўлиб узр сўрамайдилар. Чунки кўпинча айб менда бўлади. Кутаман, кейин сабрим етмай, ўзим узр сўрайман. Шунинг учун аёл киши жим бўлиши керак. Жим бўлса, ҳаёт чиройли бўлади.