Самарқандда судья 300 доллар пора билан ушланди (видео)
Самарқанд вилоятининг Пастдарғом туманида нохуш ҳолат юз берди. Фуқаролик ишлари бўйича туман судининг судьяси пора олаётган вақтда ҳуқуқ-тартибот органлари томонидан қўлга олинди. Мазкур тезкор тадбир Давлат хавфсизлик хизмати, Прокуратура ва Судьялар олий кенгаши ҳамкорлигида ўтказилди.
Аниқланишича, судья 2022 йилда чиқарилган алимент ундириш тўғрисидаги қарорни қайта кўриб чиқиш жараёнида қонунбузарликка йўл қўйган. Жавобгар томон суд қарорини янги очилган ҳолатлар бўйича қайта кўриб чиқишни сўраб мурожаат қилган. Судья эса ушбу ишни даъвогар фойдасига ижобий ҳал қилиб бериш эвазига ундан 300 АҚШ доллари миқдорида пора талаб қилган.
Судья пул маблағини олаётган вақтда ашёвий далиллар билан ушланган. Ҳозирда мазкур ҳолат юзасидан Ўзбекистон Республикаси Бош прокуратураси томонидан Жиноят кодексининг 210-моддаси 2-қисми “в” банди билан жиноят иши қўзғатилди. Айни пайтда тергов ҳаракатлари давом эттирилмоқда.