Эрон билан уруш: АҚШ биринчи ҳафтада 6 млрд сарфлади
АҚШ учун Эрон билан юзага келган ҳарбий қарама-қаршиликнинг илк ҳафтаси анча қимматга тушгани маълум қилинмоқда. Маълумотларга кўра, бу муддат ичида АҚШ томонидан тахминан 6 миллиард доллар миқдорида маблағ сарфланган.
The New York Times нашрининг ёзишича, ушбу маблағнинг катта қисми ҳарбий эҳтиёжлар, хусусан ўқ-дори ва мудофаа тизимларини қўллашга йўналтирилган. Айниқса, сарф-харажатларнинг қарийб 4 миллиард доллари ракета-тутиб олувчи тизимлар ҳамда уларга боғлиқ ўқ-дорилар учун ажратилгани қайд этилмоқда.
Мутахассислар таъкидлашича, замонавий ҳаво мудофаа тизимлари орқали ракета ва бошқа ҳаво ҳужумларини қайтариш жуда катта маблағ талаб қилади. Бундай технологиялар юқори аниқликка эга бўлиб, ҳар бир тутиб олувчи ракета қимматбаҳо ҳарбий ускуналар қаторига киради.
Шу боис, ҳатто қисқа муддатли ҳарбий тўқнашувлар ҳам катта молиявий харажатларга сабаб бўлиши мумкин. Таҳлилчилар фикрича, агар қарама-қаршилик давом этадиган бўлса, уруш харажатлари янада ошиши эҳтимолдан холи эмас.