Ларижоний Трампнинг твитига кескин жавоб қайтарди
Эрон Олий Миллий хавфсизлик кенгаши котиби Али Ларижоний Доналд Трампнинг ижтимоий тармоқда қолдирган баёнотига жавоб қайтариб, кескин муносабат билдирди.
Ларижоний кескин муносабатида Эрон халқи тарихий ва маънавий қадриятлардан куч олишини таъкидлади. Унинг айтишича, Ашуро руҳидан илҳомланган Эрон жамияти ҳар қандай таҳдид ёки босимдан қўрқмайди.
"Ашуродан илҳомланган Эрон халқи сизнинг бўш таҳдидларингиздан қўрқмайди. Сиздан анча устун кучлар уларни йўқ қила олмади. Шунинг учун эҳтиёт бўлинг, йўқолиб қоладиган сиз бўлишингиз мумкин!”, — дея таъкидлади у.
Сиёсатчи, шунингдек, Эрон халқи узоқ тарих давомида турли босим ва қийинчиликларни бошдан кечирганини, аммо ҳар сафар бу синовлардан янада кучлироқ бўлиб чиққанини айтди. Унинг фикрича, ташқи таҳдидлар мамлакатнинг иродасини синдириш ўрнига, аксинча, бирлик ва қатъиятни янада мустаҳкамлайди.