Фонт Ҳоланднинг трансфери борасида "Манчестер Сити" билан учрашди
«Барселона» президентлиги учун курашда номзод Виктор Фонт Эрлинг Холандни нишонга олиб, муҳим қадам ташлади. Хабарларга кўра, Фонт жамоаси вакиллари Мадридда юлдуз ҳужумчининг эҳтимолий трансферини муҳокама қилиш учун «Манчестер Сити» раҳбарлари билан учрашган. Бу ҳақда Goal.com хабар беради.
Каталония клуби шартномаси 30 июнь куни якунига етадиган ва узайтирилиши даргумон бўлган Роберт Левандовскининг кетишига тайёргарлик кўрмоқда. Фонт жамоаси ушбу муҳим ҳужум чизиғини тўлдириш учун Холандни Испанияга олиб келишга умид қилмоқда ва шу орқали ўз сайловолди кампаниясини кучайтиришни мақсад қилган.
Фонтнинг спорт директори Хавьер Агилар ва «Манчестер Сити» бош директори Ферран Сориано ўртасидаги учрашув ҳақидаги хабарларга қарамай, Холанднинг вакиллари бу тахминларни тезда рад этишди. Футболчининг агенти Рафаэла Пимента испан клуби билан трансфер борасида ҳеч қандай алоқа бўлмаганини таъкидлади.
Пимента Холанд яқинда шартномасини узайтиргани ва «Манчестер Сити»да жуда бахтли эканлигини таъкидлади. У Англияда ҳамма нарса яхши кетаётганини, ҳозирда «Барселона» ёки бошқа бирон бир жамоага ўтишни муҳокама қилиш учун ҳеч қандай сабаб йўқлигини ойдинлаштирди.