18 март учун валюта курслари эълон қилинди
Ўзбекистон Республикаси Марказий банки 2026 йил 18 март санасидан бошлаб амал қилувчи хорижий валюталарнинг сўмга нисбатан янги қийматларини эълон қилди. Ушбу янгиланишга кўра, асосий халқаро валюталарнинг аксариятида ўсиш тенденцияси кузатилган.
Хусусан, АҚШ доллари курси 37,79 сўмга қимматлаб, 12 129,01 сўмни ташкил этди. Шунингдек, Евро курсида ҳам сезиларли кўтарилиш қайд этилди. Европа валютаси 124,53 сўмга юқорилаб, 13 968,98 сўмга етди.
Бошқа валюталар бўйича ҳам ўзгаришлар мавжуд. Британия фунт стерлинги 156,8 сўмга ўсиб, 16 175,25 сўм этиб белгиланди. Швейцария франки эса 98,65 сўмга қимматлаши натижасида 15 415,62 сўмга чиқди. Хитой юани 1 761,17 сўмни (+7,85), Япония иенаси эса 76,22 сўмни (+0,33) ташкил қилди.
Валюталар ичида фақат Россия рубли пасайишни кўрсатди. Рубль курси 1,17 сўмга арзонлаб, 147,99 сўмга тушди. Марказий банк мазкур курсларни валюта операциялари бўйича бухгалтерия ҳисоби ва бошқа тўловлар учун белгилаган.