АҚШнинг Эронга қарши операциялари харажатлари рекорд даражага етди
Сўнгги маълумотларга кўра, АҚШнинг Эронга қарши олиб бораётган ҳарбий операцияси харажатлари бир ой ичида 27 миллиард доллардан ошди ва кундан кунга ошиб бормоқда. Бу маълумотлар Iran War Cost Tracker платформаси орқали юритилмоқда, у Пентагон маълумотларига таяниб, уруш харажатларини реал вақтда ҳисоблайди.
Пентагон ҳисоботларига кўра, урушнинг илк 6 куни 11,3 миллиард доллар сарф қилинган бўлса, кейинги ҳар бир кун ҳам тахминан 1 миллиард доллар қўшимча харажат талаб қилмоқда. Бу эса ҳарбий амалиётнинг молиявий юкини янада оширмоқда.
Newsweek нашри маълумотига кўра, АҚШнинг Эронга қарши операцияси бошланишиданоқ 2003 йилдаги Ироқ уруши бошланишида сарфланган маблағдан кўпроқ бўлган. Шу билан бирга, Пентагон ушбу кампанияни тўлиқ давом эттириш учун 200 миллиард доллар талаб қилмоқда, бу эса 2003 йилда Жорж Буш маъмурияти сўраган маблағдан 67 миллиард долларга кўп.
The Economist маълумотига кўра, АҚШ ушбу ҳарбий ҳаракатларда сарфланган ўқ-дориларни қайта тўлдириш учун камида бир йил вақт талаб қилинади. Шу билан бирга, ҳозирча Оқ уй бу харажатлар учун Конгресс билан бюджет келишувини якунламаган.
Эслатиб ўтамиз, АҚШ ва Исроилнинг Эронга қарши ҳарбий операцияси 28 февралдан буён давом этмоқда ва бу глобал хавфсизлик ва минтақавий молиявий юкнинг аҳамиятини янада оширмоқда.
Муттахассислар фикрича, бу каби сармоя талаб қилувчи операциялар ҳарбий самарадорликдан ташқари сиёсий ва иқтисодий таҳдидларни ҳам кучайтиради, шу боис халқаро ҳамжамият бу жараённи жиддий кузатиши шарт.