Бразилияда дунёдаги энг кекса инсон топилди
Бразилия қариялар уйидан тасодифан дунёдаги энг улуғ инсон аниқланди. 118 ёшли Луис Карлос дос Сантосга қараганда, у жасоратли ва мустақил ҳаракат қилади ҳамда кунига бир неча маротаба қаҳва ичиш одати бор.
РанкБрасил ташкилоти унинг ҳужжатларини синчковлик билан текшириб, ёшини тасдиқлади. Луис Карлос дос Сантос 1908 йил 15 февралда Бразилиянинг Минас-Жерайс штати, Элои-Мендес шаҳрида туғилган. У фермерлик билан шуғулланган ва оддий қишлоқ ҳаётини кечирган. Луис ҳеч қачон оила қурмаган ва фарзанд кўрмаган.
1971 йил 10 сентябрдан буён у қариялар уйида яшаб келади. У ерга уни Трес-Понтасдан бир руҳоний олиб келган.
Ярим асрдан ортиқ вақт давомида Луис муассаса ходимлари ва яшовчилар учун рамзий шахсга айланган. Унинг ёши янгиланган туғилганлик гувоҳномаси, меҳнат дафтарчаси ва шахсий тиббий ҳужжатлар орқали тасдиқланган. Ҳужжатлар текширилгандан сўнг, РанкБрасил уни дунёдаги энг кекса тирик инсон сифатида расман тан олиш жараёнини бошлади. Бу унвон аввал Буюк Британиялик 116 ёшли Этел Катерҳемга тегишли эди.
118 ёшда бўлишига қарамай, Луис мустақил юради, овқатланади ва доимий равишда дори қабул қилмайди. У қатъий кун тартибига амал қилади, кунига уч марта қаҳва ичади ва ҳамма нарсани кам миқдорда истеъмол қилади. Шунингдек, қўлбола сигарет чекиш одатини ҳам тарк этмаган.
Муассаса ходимлари таъкидлашича, у тинчлик ва ёлғизликни ёқтиради, бошқалардан ёрдам сўрамайди. Луис кўп вақтни ҳовлида ўтказади, ҳар куни териб, яна бузиб қўядиган “тош йўлак” эса унинг кундалик ҳаётининг ўзига хос рамзига айланган.