Шоҳруҳхон Асал билан дуети ҳақидаги сирни очди
Хонанда Шоҳруҳхон рафиқаси Асал Шодиева билан куйлаган дуети жуда қисқа вақт ичида яратилганини маълум қилди.
Журналистлардан бири хонандага:
“Асал Шодиева билан дует куйлашингизни кутган эдик. Ушбу қўшиқ қандай яратилди?” дея савол берди.
Шоҳруҳхон эса жавобида:
“Асал Шодиева билан дуетимиз ёзилганига ҳали 24 соат ҳам бўлмади. Кеча оқшом, тун ярмида ёздик ва эрталабгача тайёр бўлди”, — деди.
Шундан сўнг унга яна:
“Бу дует аввалдан режалаштирилмаганми?” деган савол ҳам берилди.
Хонанда бу борада шундай изоҳ берди:
“Албатта, режалаштирганмиз. Бир нечта қўшиқ вариантлари ҳам бор эди. Лекин вақт бўлмади. Охири эса сўнгги умид сифатида ўша куни ёздик”, — деди у.
Бу маълумот мухлислар орасида катта қизиқиш уйғотди ва дуетнинг қисқа вақтда яратилгани кўпчиликни ҳайратга солди.