Авылда көчекне сәнәк белән кадаганнар һәм агачка бәйләп калдырганнар
Мәскәү өлкәсендә 8 айлык көчекне сәнәк белән кадаганнар. Үлеп баручы этне балалар тапкан. Бу турыда «Московский комсомолец» хәбәр итте.
Зарайск шәһәр округының Козловка авылында Сара кушаматлы этне Яңа ел бәйрәмнәре көннәрендә үтергәннәр. Хәзер хокук саклаучылар җинаятьчеләрне эзли. Көчекне башта сәнәк белән кадаганнар, аннары муенына бау бәйләп, җирдән сөйрәп барганнар һәм агачка бәйләп, үләргә калдырганнар.
«МК» ачыклаганча, үлем хәлендәге этне балалар күреп ала. Алар ыңгырашу ишетә, аннары канга баткан көчекне табалар да ярдәм сорап йөгерәләр. Ләкин этне коткарып булмый.
Ул көнне Сара, баудан ычкынып, авылга таба чапкан. Гадәттә, хуҗалары аны будка янына озын бәйгә куя торган булган. Авылда көчекне җәзалаучылары тота.
Эт хуҗалары һәм зоояклаучылар полициягә гариза белән мөрәҗәгать иткән. Алар участковыйдан Тамбовтан килгән хатынның катнашы юкмы икәнен тикшерүне сорый. Әлеге хатын моңа кадәр дә хайваннар яратмавын күрсәткән. Әле күптән түгел генә ул авыл урамыннан баручы сыерны харап итәргә вәгъдә биргән булган.
Моңа кадәр авылда 2 этне вәхшиләрчә үтергәннәр, шул исәптән 2 көчеге белән хаски этен, диелә хәбәрдә.