Якутск васна каста яңхсат
Щёхар тыӆащ 20-мет хатӆ эваӆт 24-мет хатӆ маса Якутия мувна Северной многоборье чемпионат манас. Ямал мув эваӆт яңхам команда там пус алңищ этас.
Щи чемпионат Якутия мув заслуженной работник народного хозяйства Виктор Ефимов нэмна нэматман ол, там пус ниӆметты верса. Мет алаңна щи турнир республиканский ос, Якутат топ веритсат кутӆаӆна каста. Кимет турнирӆ межрегиональной, щи юпина всероссийской. Там пус мули Якутия мувна северной многоборье Хон мув Йи календарный план тайты Министерство спорта хоща лоңалса, щитна там пус ӆув федеральный статус тайс.
Ухал соппи наварсат. Хор: Денис Лонгортов
«Якутия мувна муң мули там пус холметты яңхсу, 2019-мет па 2020-мет таӆңанна щита осу. Щи порайна Якутия эваӆт олты команда кат пус алңищ этас. Сэңк ям хонты щимащ касты харат ӆарпитӆайт, вахлаю. Ямал эваӆт яңхам команда там пус алаң таха вусат, кимет Якутия, Красноярский край па холметты этсат, ям майӆапсэтна майӆасайт». — Ямал мув команда тотлиям представитель Денис Лонгортов лавас.
Холам команда Якутия, Ямал мув па Красноярский край кутӆаӆна кассат. Касаң команда хоща вет ның па хут ях.
Па йисна северной многоборье хуват верты чемпионат Якутия мувна 2025-мет таӆна олта питӆ.
Вера Лонгортова хансам потар