Xiaomi, Civi 5 Pro smartfonunun əsas xüsusiyyətlərini açıqladı

Xiaomi yaxın zamanda təqdim olunacaq Civi 5 Pro modeli ilə bağlı rəsmi məlumatları paylaşıb. Rəsmiləşdirilməyə az qalmış şirkət bir sıra tizerlər təqdim edib və bu görüntülərdə cihazın əsas texniki göstəriciləri üzə çıxıb.

İstehsalçının verdiyi məlumata görə, Xiaomi Civi 5 Pro modeli 6.55 düymlük ekranla təchiz olunacaq və bu ekran maksimum 3200 nit parlaqlıq səviyyəsinə malik olacaq. Cihazın qalınlığı cəmi 7.45 mm, eni isə 73.2 mm təşkil edəcək. Yeni modelə güc verəcək prosessor Snapdragon 8s Gen 4 olacaq və bu çipset effektiv buxarlanma texnologiyası əsasında qurulmuş soyutma sistemi ilə dəstəklənəcək.

Paylaşılan tizerlər smartfonun 6000 mAh tutumlu batareyaya sahib olacağını da təsdiqləyib. Ön tərəfdə isə ikiqat 50 MP-lik selfie kamerası olacaq – kamera modulu ekranın yuxarı hissəsində yerləşdirilmiş oval hissədə yerləşdiriləcək. Arxa tərəfdəki əsas kamera isə 50 MP + 12 MP + 50 MP sensorlardan ibarət olacaq.

Hazırda Xiaomi Civi 5 Pro modelinin rəsmi təqdimat tarixi hələ açıqlanmayıb.

The post Xiaomi, Civi 5 Pro smartfonunun əsas xüsusiyyətlərini açıqladı appeared first on InfoCity.