Honda kompakt elektrik krossoverini təqdim etdi
Honda, Böyük Britaniyada keçirilən Goodwood sürət festivalı çərçivəsində Super EV Concept adlı yeni elektrik krossover konseptini təqdim edib. Bu model Yaponiyada satılan N-One avtomobilinin bazasında hazırlanıb. Şirkət bildirir ki, yeni elektromobil sürücülərə sükan arxasında unudulmaz emosiyalar yaşadacaq.
Super EV Concept modelində bağlanmış radiator barmaqlığı, yenilənmiş ön dizayn və dairəvi LED faralar yer alıb. Texniki xüsusiyyətlər hələ açıqlanmasa da, seriya versiyasının ölçü baxımından N-One ilə oxşar olacağı gözlənilir.
Yeni model Honda-nın 0 Series adlı elektrik avtomobil seriyasına daxil olacaq. Şirkət bu seriya çərçivəsində 2030-cu ilə qədər yeddi fərqli elektromobil təqdim etməyi planlaşdırır. İlk növbədə elektrik sedan və SUV, daha sonra isə kompakt krossover satışa çıxarılacaq. Məhz bu krossoverin əsasını Super EV Concept təşkil edəcək.
Honda bu modeli qlobal bazar üçün nəzərdə tutur — bu, yalnız Yaponiyaya yönəlmiş N-One modelindən fərqlənir. Bununla yanaşı, qeyd edilir ki, şirkət əvvəllər 2027-ci ildə ABŞ-da iri elektrik SUV buraxmağı planlaşdırırdı, lakin bu layihə hibrid modellərə üstünlük verildiyi üçün ləğv olunub.
The post Honda kompakt elektrik krossoverini təqdim etdi appeared first on InfoCity.