Лидер ОПГ Матраимовых Шарабидин Капаров организовал притон азартных игр
КР Президенти, КР ЖК төрагасы Т.Т. Мамытовго
723317, Ош облусу, Кара-Суу району, Кызыл-Кыштак айыл аймагы, Кызыл- Байрак айылынын тургуну Токторалиева Орозкандан (тел. 0778 493908)
АРЫЗ
Урматтуу Талант Турдумаматович!
1. Кызыл-Кыштак айыл өкмөтүнүн башчысы Шарабидин Капаров кызмат абалынан кыянаттык менен пайдаланып, базар баасынан өтө арзан баада атайын баалатып, Ш.Капаровдун муниципалдык кызмат орду жана жеке кызыкчылыктары ортосунда тууганынын жеке кызыкчылыктардын кагылышуусу менен, өзүнүн тууганы Маматалиев Аскар менен алдын ала сүйлөшүп, айыл өкмөтүнүн №169 26.10.2011 ж. токтому менен Ишкаван айылы 2200 кв.м. муниципалдык жерин 241000 сомго, 1 чарчы метрин болгону 109 сомдон жеке менчикке арзан сатат.
2. Ш.Капаров кызмат абалынан кыянаттык менен пайдаланып, базар баасынан өтө арзан баада атайын баалатып, Ш.Капаровдун муниципалдык кызмат орду жана жеке кызыкчылыктары ортосунда тууганынын жеке кызыкчылыктардын кагылышуусу менен А.Маматалиев менен алдын ала сүйлөшүп, айыл өкмөттүн №182 30.10.2014 ж. токтому менен Ишкаван айылы 3000 кв.м. муниципал жерин 330 000 сомго, 1 чарчы метрин болгону 110 сомдон жеке менчикке арзан сатат.
3. Ш.Капаров, А.Маматалиев менен алдын ала сүйлөшүп, Маматалиевдин жеке менчигиндеги чайкананын алдындагы жалпы пайдалануудагы жер-тротуарды КР Жер Кодексин 78 бер. одоно бузуп тосуп коюуга мыйзамсыз уруксат берген. Натыйжада ал жерде транспорт-авариялык абал, жарандар коопсуздугуна чоң коркунуч жаралган. Эгер ошол жерде автомашиналар кагылышып же болбосо кокус адам каза болуп калса, анын түз себепчилери Ш.Капаров, А.Маматалиев, Ш.Шарабидин уулу болушат.
4. 01.11.2011 жылы кабыл алынган №191 “КРда кумар оюн ишине тыюу салуу жөнүндө” КР Мыйзамына ылайык кыргыз элинин адеп-ахлагын жана ден соолугун коргоонун артыкчылыктарынын конституциялык принциптерине ылайык ушул Мыйзам менен КРда кумар оюн ишин жүзөгө ашырууга чектөө киргизилген. Бирок, Ш.Капаров кызмат абалынан кыянаттык менен пайдаланып, базар баасынан өтө арзан баада атайын баалатып, Ш.Капаровдун муниципалдык кызмат орду жана жеке кызыкчылыктары ортосунда тууганынын жеке кызыкчылыктардын кагылышуусу менен, өзүнүн тууганы Маматалиев Аскар менен алдын ала сүйлөшүп, айыл өкмөтүнүн №140 16.12.2016 ж. токтому менен Ишкаван айылы 450 кв.м. муниципалдык имаратын жылына 3000 сомго, 1 чарчы метрин болгону 6 сом 66 тыйында ижарага арзан берет. Ал имаратта Ш.Капаров, А.Маматалиев кумаркана уюштурушат.
Ш.Капаров, тууганы А.Маматалиев менен КР КЖК 212 бер. 1, 2 бөл. кылмыш жоопкерчилигинен качуу максатында Кара-Суу районунун прокурору менен алдын ала сүйлөшүп мыйзамсыз кылмыш жоопкерчилигине тартылган эмес. Кара-Суу райондук Сотунун чечими менен ал имаратты А.Маматалиевке ижараге берген айыл өкмөтүнүн №140 16.12.2016 ж. токтому жана келишими жокко чыгарылып, имарат муниципалдык менчикке кайтарылуусу каралган. Бирок, Ш.Капаров, тууганы А.Маматалиев мыйзамсыз баюу максатында сот аткаруучу менен алдын ала сүйлөшүп соттун ал чечимиң аткаруудан баш тартып, күн мезгилинде иштеген кумаркана түнү менен иштөөгө өттү. Ошондой эле, Кара-Суу райондук Сотунун чечимиң аткаруу максатында имарат муниципалдык менчикке кайтарылуусу, эшикке башка кулпу коюлуп, электр энергия өчүрүлүшү керек эле. Бирок, Ш.Капаров, тууганы Маматалиев “ОшРЭС” кызмат адамдары менен алдын ала сүйлөшүп электроэнергиядан мыйзамсыз пайдаланышып, кумаркана түнү менен иштеп жатат.
5. Ш.Капаров өзү менен аффилирленген жак - өзүнүн тууганы Маматалиев Аскарды мыйзамсыз Жайыт комитетине төрага кылып шайлаткан. Ш.Капаров ОшГипрозем кызмат адамдары менен алдын ала сүйлөшүп карталарда Жайыт жерлерди мыйзамсыз багытын өзгөртүп ыңгайсыз жерлер деп сатып жиберген. КР Жер Кодексине жана КР Конституциянын жаңы долбооруно ылайык Жайыттар мамлекеттик менчик болуп эсептелет жана сатылбайт. Бирок, Ш.Капаров жана тууганы А.Маматалиев көптөгөн мамлекеттик менчигиндеги жайыт жерлерди мыйзамсыз сатып жиберишкен.
6. Ш.Капаров КР Өзгөчө кырдаалдар миңистрлигинин кызмат адамдары менен алдын ала сүйлөшүп Тоолорубуздун боорунда жайгашкан табигый кырсыктар, сел коркунучу бар аймакта жайгашкан көптөгөн жерлерди мыйзамсыз саткан, ал жерлерге турак үйлөр курулган. Тоолорубуздун боорунда жайгашкан табигый кырсыктар, сел коркунучу бар аймакта жайгашкан ал жерлерде келечекте адамдар омуруно чоң коркунуч жаралган. Эгер ошол жерде келечекте табигый кырсыктар, сел коркунучу же кокус адам каза болуп калса, анын түз себепчилери Ш.Капаров, Ш.Шарабидин уулу, КР ӨКМ болушат.
Ал жер тилкелер мурдагы айыл өкмөт башчыларын жасалма токтомдору менен катталган болуусу мүмкүн. Бирок, Ш.Капаровдун кошелёктору аркылуу сатылып, Капаров мезгилинде катталган. Капаровдун кошелёктору кылмыш жоопкерчилиинен кутулуп кетуу үчүн Кыргызстандан качууга даярданып жатышат. Укук коргоо органдары аларга издөө жарыялап, Кыргызстанга экстрадиция кыла албайт. Себеби Капаровдун кошелёгу Нуржанов Алмаз Маманович Россия жараны.
7. Ш.Капаров кезектуулук тартибин сактабай, коомдук талкуулар өткөрбөй, кошелёктору аркылуу трансформацияланбаган жерлерди сатып жиберген. Кызыл китептер кошара деп даярдалган. Бирок кошараны сатып алгандар ичинде мал-койлору жоктору дагы бар. Ш.Капаров жана Шарабидин уулу Шадыбек кошара деп берилген жерлерде турак үй жана чарба курулуштарын курууга мыйзамсыз уруксат беришет. Натыйжада кошара деп берилген жерлерде мыйзамсыз курулуштар, турак үйлөр курулган. Азыркы күндө кошара деп берилген жерлерге жана мыйзамсыз курулуштар курулган жерлерди профилин өзгөртүүгө Капаров райархитектурадан уруксат алууга аракет жасап жатат. Бирок, Кара-Суу районунун прокурору М.Айтикулов кошарага мыйзамсыз турак үй курууга уруксат берген Ш.Капаровду жана көзөмөл кылбаган Ш.Шарабидин уулуну кылмыш жоопкерчилигине тартпай жатат.
Жогоркулардын негизинде Сизден Ш.Капаровду, А.Маматалиевди, Ш.Шарабидин уулуну, ОшГипрозем, КР ӨКМ миңистрлигинин, ОшРЭС кызматкерлерин, сот аткаруучуну, Айтикуловду кылмыш жоопкерчилигине тартуунузду, мамлекетке келтирген өзгөчө ири өлчөмдөгү зыянды төлөтүүнүздү, мыйзамсыз берилген жерлерди, жайыттарды мамлекеттик менчикке кайтаруу боюнча тапшырма берүүнүзду суранабыз.
Коррупционердин курмандары О.Д. Токторалиева,
Г.М. Мирзакаримова, 14 декабрь 2020 жыл