Эремчекле шарчыклар рецепты
Танылган алып баручы Замирә Рәҗәпова социаль челтәрдәге сәхифәсендә эремчекле шарчыклар рецепты белән уртаклаша.
Ингредиентлар: 500 грамм эремчек, 5 йомырка, 2 аш кашыгы шикәр комы, 1 бал кашыгы тоз, 1 бал кашыгы сода, 1-1,5 стакан он.
Барысын бергә салырга, бер төрле масса булганчы миксер белән 3 минут болгатырга. Аннары он өстәргә. Камыр тыгыз да, артык сыек та булырга тиеш түгел. Бал кашыгы белән алып, шарчыкларлар ясарга һәм кызган майда сүрән утта пешерергә.
Чәйләрегез тәмле булсын!