Те иень даволковсто Мордовиянь 150 эрицятне ютавтсть манчицятненень малав 50 миллионт целковойть (эрзя)
2026-це иень даволковсто Мордовиянь внутренней тевень органтнэс манчезь ярмаконь саламодо яволявтома марто пшкадсть 150 эрицят, конат ёмавтсть малав 50 миллионт целковойть. 70 ламо ломанть манчезельть асодавикс ломантнень тевдеемаст эйстэ. Ёмавтозь ярмакось – 3 миллионт 700 тёжат целковойть зыянс понгозетнень лемс кредитт. Ещё 29 эрицятне ёмавтсть 28 миллионт целковойть, арсезь, што яволявтыть эсест ярмакост эли ютавтсызь сынст зыянтомо счётс. Региононь 19 эрицятне ютавтсть манчицятненень 4 миллионт 500 тёжат целковойть питневтеме яволявтоматнень сайтсэ, социальной сеттнесэ, содавикс маркетплейстнэнь платформасо товаронь микшнемстэ ды рамамсто. 9 ломанть, кемсть, идесть малавиксэст эли эсь пряст уголовной ответственностенть эйстэ террористэнь ды экстремистэнь организациятнень финансированиянть эли килангонь-транспортонь зыянонть кисэ, косо томбавсть ломантне, ютавтызь тешкстазь реквизиттнэнь коряс 6 миллионт 500 тёжат целковойть. Ещё 6 яволявтыцятне пшкадсть полицияв, пачтясть, прибылень получамонь ды ярмаконь путомань тувталонть коряс ёмавтсть 4 миллионт 700 целковойтнеде седе ламо.
Зыянс 6 понгозетне ютасть асодавикстнэнь пельде кучозь ссылканть коряс ды ёмавтызь таштавксост 200 тёжадо ламо целковойс. 5 ломантне кемсть, мессенджерсэ сынст марто кортыть содавиксэст ды кучсть тенст долгс 600 тёжат целковойть. Мордовия Республикава МВД-сь кармавты киненьгак а ёвтнемс персональной даннойтнень! Финансонь учреждениянь важодицятне ды полицейскойтне телефон вельде зярдояк а вешить истямо информация. Совседе зыянтомо сайттнэс. Илядо юта асодавикстнэнь пельде ссылкатнева. Бути сон сась ялгань пельде, илядо капша сонзэ панжомс, гайневтеде сонензэ! Паряк, манчицятне яжизь сонзэ аккаунтонть. Ваннынк информациянть, бути содавикэнк пельде вешить ярмакт. Уледе редицякс!