Կանխատեսում. Իր «ձեռքբերումներից» Սերժ Սարգսյանի հրաժարման իրական պատճառներ չկան
Արմինֆո.Սերժ Սարգսյանն իր համար դեպի Հայաստանի իշխանություն ճանապարհ է հարթել՝ օրենսդրության բազմաթիվ կեղծումների և խախտումների միջոցով: Եվ այսօր սեփական «ձեռքբերումներից» իր հրաժարվելու իրական պատճառներ չկան: ԱրմԻնֆո-ին այդպիսի կարծիք է հայտնել Քաղաքական և միջազգային հարաբերությունների հայկական կենտրոնի տնօրեն Աղասի Ենոքյանը:
«Ընդհանուր առմամբ ինձ առնվազն հասկանալի չէ, թե ինչը կարող է խանգարել Սարգսյանին շարունակել ղեկավարել Հայաստանը: Այդ մարդն իշխանության եկավ մարտի 1-ով, կեղծեց ընտրությունների արդյունքները: Եվ հանուն ինչի՞ նա պետք է այսօր հրաժարվի այդ ողջ գործունեության արդյունքներից: Կարծում եմ, որ ներքաղաքական դաշտում կասկած սերմանելն արհեստական լարվածություն ստեղծելու նպատակ է հետապնդում: Ինչի համար՝ կտեսնենք մոտ ապագայում»,- ընդգծել է քաղաքագետը:
Հայաստանի տեղեկատվական դաշտը լցված է հակասական լուրերով: Այսպես՝ Սերժ Սարգսյանը և Կարեն Կարապետյանը փոխհամաձայնության են եկել 2018 թ. ապրիլին՝ նախագահական լիազորությունների ավարտից հետո, նախատեսվող կադրային փոփոխությունների առնչությամբ: Կարապետյանն իբր կզբաղեցնի փոխվարչապետի պաշտոնը, ով կղեկավարի կառավարության ֆինանսատնտեսական և սոցիալական բլոկերը: Սարգսյանը կզբաղվի քաղաքական և անվտագության ոլորտի հարցերով՝ որպես վարչապետ: Սարգսյանն իր հերթին ժամանակ առ ժամանակ հակասական հայտարարություններ է անում իր քաղաքական ապագայի վերաբերյալ:
Ենոքյանը Սարգսյանի հետ է կապում նաև վերջին ժամանակներս ռուսական դաշնային հեռուստաալիքները հեղեղած՝ Հայաստանի հասցեին թշնամական ելույթները: Ըստ նրա, Սարգսյանին այս կամ այն սպառնալիքի հանդեպ լարված վիճակում պահելու քաղաքականություն Մոսկվայի կողմից բավական վաղուց է տարվում: Նրա կարծիքով, դա արվում է՝ Հայաստանից Ռուսաստանի ղեկավարությանը հավատարմության նոր ապացույցներ կորզելու նպատակով:
Միաժամանակ քաղաքագետը չի բացառում վարկածները, համաձայն որոնց՝ ռուսական ԶԼՄ-ներում հակահայկական արշավն առաջին հերթին նախատեսված է ներքին լսարանի համար, որին պետք է ցույց տալ Հայաստան-ԵՄ պայմանագրի ստորագրման հետ կապված դժգոհություն: