Новости за 01.04.2024

Идел буе федераль округында моңарчы булмаган су басулар башланды. Кар суы инде 5 төбәктә урамнарны, юлларны һәм күперләрне агызып китә башлады, дип яза «Маш» телеграм-каналы.

Мәскәүдә яшәүче үсмер әти-әнисе белән Берләшкән гарәп әмирлекләрендә ял итеп кайткач, кисәк кенә вафат булган. Үлемнең якынча сәбәбе – азык белән агулану. Бу турыда «Московский комсомолец» хәбәр итте.

Рамазан аенда ифтар уздыру быел аеруча модага керде кебек тоела. Социаль челтәрләрдә бер төстә, әмма төрле фасонда киенгән гүзәл затлар фотолар белән уртаклашалар. Татарстанда алтын, аклы-каралы «Бизнес-ифтар», яшел төстәге дресс-код кертелгән «Фешн-ифтар»лар булды. Ләйсән Гыймаева шундый мәҗлесләрнең берсеннән фото белән Вконтакте социаль челтәрендәге сәхифәсендә бүлешкән. Фото астында «матуркайлар», «һәммәгез бик күркәм» дигән ике комментарийдан кала, бик күп тәнкыйть сүзләре яуган.

Соңгы елларда затлы рестораннарда уза торган ифтарлар ешаеп китте. Аларга килүчеләр өчен билгеле бер шартлар да куела – әйтик, киемнәр өчен дресс-код кертелә.

«Чаллы» телеканалының «Ачыктан-ачык сөйләшү» тапшыруында автор-башкаручы Илназар кунак булды. Алып баручы Лилия Гатина аның 20 елга якын тәнәфестән соң иҗатка әйләнеп кайтуы турында сорашты.

Чиләбе өлкәсенең Златоуст шәһәрендә 21 мартта «Златоуст өчен – бөтен гаилә белән» дигән лотерея нәтиҗәләре билгеле булган. Призлар уйнату «Гайдаровец» дигән иҗат йортында оештырылган. 26 мартта җиңүчене бүләкләү видеосы таралган.

Хәзерге юморны мемнардан башка күзаллап та булмый. Әмма, шуңа да карамастан, бу яңалык әлегә татар дөньясына бик акрын кереп бара. Мем яратучылар «Мин – Рафаэль хатыны», «Кызым, национальность не главное, главное татарин был хороший», «Татары из 90 процентов состоят из чая» дигән мемнарны белә билгеле. Әмма болар гына аз кебек. Татарча мемнар күбрәк барлыкка килсен өчен, «Интертат» һәм «Миллиард.татар» сайтлары, «Чаян» журналы белән берлектә», «Татарча мемнар» бәйгесен уздырырга дигән карарга килде. Читать дальше...

Ярославль өлкәсендә автобус белән поезд бәрелешкәч җиде кеше һәлак булган. Бу хакта ТАСС агентлыгына сылтама белән «Лента.Ру» сайты яза.

Татарстан Язучылар берлеге бинасына, ремонттан соң, язучылар беренче тапкыр Әдәби ел йомгакларына багышланган гомуми җыелышка җыелды. Җыелыш Берлек эшчәнлеген тулысынча колачлау максатын куймаган иде, чөнки Чаллы һәм Әлмәт бүлекчәләре үз йомгаклау җыелышларын аерым уздырган икән. Әмма Казанда узган җыелышта яңгыраган докладларда язучыларны географик яктан бүлеп карамадылар, анысы әйбәт.

2 апрельдә Татарстанда аязучан-болытлы, явым-төшемнәрсез һава торышы була. Төнлә һәм иртән урыны белән томан төшәчәк. Көньяктан уртача тизлектә, көндез урыны белән 14 метр тизлектә көчле җил. Төнлә һава температурасы 0..+5˚, көндез +8..+13˚ градус. Төнлә һәм иртән юлларда урыны белән бозлавык.

Рөстәм хәзрәт Хәйруллин Кадер киче турында телеграм-каналында язды.

«Мөселман кешесе рамазан аеның ахыргы ун көненең һәр көнен Кадер кичәсе дип уйлап гыйбадәттә уздырырга тиеш. Шул вакытта, иншаАллаһ, ул уңышка ирешәчәк», диелә хәбәрдә.

«Кадер киче 1000 айдан да хәерлерәк. Рәсүлүллаһ галәйһиссәләм әйткән: «Әгәр берәү, Аллаһы Тәгаләгә инанып һәм савабына өметләнеп, Кадер кичәсен гыйбадәт кылып уздырса, элек кылган гөнаһлары гафу ителәчәк».

Рәсүлүллаһ галәйһиссәләм Гайшә анабызга... Читать дальше...

Зинира һәм Ризат Рамазановлар үзләренең «Хыянәт» җырын бәгырьгә үтәрлек итеп җырлаган бабайны эзли. Иҗади гаиләгә бу видеоны мессенджердан җибәргәннәр. Алар бу хакта социаль челтәрдә хәбәр итә.

Төркия Президенты Рәҗәп Тайип Эрдоган үзенең Гаделлек һәм үсеш партиясе муниципаль сайлауларда теләгән нәтиҗәләргә иреш алмавын әйтте. 20 елга беренче мәртәбә Оппозицион халык-республика партиясе идарә итүче партияне узып китә. Бу хакта «Коммерсантъ» сайты яза.

Уфада 13 яшьлек Павел Паличев һәм 14 яшьлек Дамир Адигамовны эзлиләр. «Лиза Алерт» эзләү отряды мәгълүматлары буенча, үсмерләр 30 мартта югалган. Хәзерге вакытта малайларны 100дән артык кеше эзли, дип яза gorobzor.ru сайты.

«Чаллы» телеканалының «Ачыктан-ачык сөйләшү» тапшыруында автор-башкаручы Илназар кунак булды. Алып баручы Лилия Гатина аннан дуэтлар турында сорашты.

Татарстан Язучылар берлегенең Әдәби ел йомгакларына багышланган гомуми җыелышында 2023 елның татар прозасына күзәтү чыгышын КФУның Алабуга институты татар филологиясе кафедрасы доценты, филология фәннәре кандидаты Гомәр Даутов ясады. «Интертат» галимнең чыгышын тәкъдим итә

Татарстандагы социаль челтәрләрдә видеоролик таралды. Бу хәл Менделеевск районында 25 мартта булган дип язалар.

Бүген – 1 апрель, Көлке көнендә «Интертат» «Һә-һә шоу» юмор тапшыруын тәкъдим итә.

Сочида яшәүче 19 һәм 20 яшьлек 2 егет әтиле-кызлы 2 кешене яндырып үтерергә маташкан. Әти кеше 18 яшьлек кызына бу егетләрнең берсе белән очрашырга рөхсәт итмәгән булган. Бу турыда «Комсомольская правда» яза.

Ильмира Нәгыймова социаль челтәрләрдә өр-яңа җырының бер өзеген тыңлатып күрсәткән. Җырчы җырның сүзләрен аерым игътибар белән тыңларга тәкъдим итә. Ахырдан исә әлеге музыкаль композициянең барлык «бывший»ларга багышланган булуын искәртә.

ТР Сәнәгать һәм сәүдә министрлыгы башлыгы Олег Коробченко сәнәгатьтә кадрлар мәсьәләсен хәл итү буенча тезислар тәкъдим итте. Бу – күрше төбәкләрдән мигрантларны һәм яшьләрне җәлеп итү, дип яза «Челнинские известия» газетасы хәбәрчесе Валентина Шистерова.