Новости за 11.04.2024

Башкортстан Башлыгы Радий Хәбиров республика җитәкчесен чираттагы сайлауда үз кандидатурасын тәкъдим итәргә ниятли. 9 нчы апрель көнне РФ Президенты Владимир Путинның Хәбировның бу ниятен хуплавы билгеле булды.

Кузбасста да язгы ташу башланды. Кемерово өлкәсенең Усть-Кабырза авылында төшерелгән күренешләр социаль челтәрләрдә таралды. Видеода Мрассу елгасының ташып агуы күренә. Су үзе белән йорт хайваннарын, төрле корылмаларны, ишегалдындагы кирәк-яракларны да агызып алып китә. Җирле халык сүзләренчә, аларга беркем дә ярдәм итми, дип яза «База» телеграм-каналы.

Россиянең төзелеш һәм торак-коммуналь хуҗалык министры Ирек Фәйзуллин Оренбург өлкәсе губернаторы Денис Паслер белән бергә Оренбургта су басу куркынычы янаган зонада булды, объектларны карап чыкты. Алар килеп чыккан хәл турында, язгы су зыян китергән һәм җимерелгән шәһәрне торгызу чаралары турында фикер алышты.

Новосибирск өлкәсендә 2 яшьлек кыз бала эчәклеге авыртудан вафат була. Ул берничә сәгать интегеп үлә. Хәзер аның туганнары хирургка җәза бирүне таләп итә. Бу турыда «Комсомольская правда» хәбәр итте.

Ришат Төхвәтуллин социаль челтәрләрдә беренче тапкыр улы белән очрашкан видеоларны күрсәтте. Анда әле генә әти булган Ришатның барлык хис-кичерешләре ачык күренә. Ришатның бәбине күрер өчен 430 чакрым юл узып, төнлә кайтканы турында да язган идек.

Зәринә Хәсәншина социаль челтәрдәге сәхифәсенә кызыклы видео куйган. Видео җырчының концерты алдыннан төшерелгәнгә охшаган.

Чебоксарда юл кырыенда хатын-кызны кыйнаучы ир-ат төшерелгән видео таралган. Бу күренеш юлдагы камераларга эләккән.

«Татарча хәдисләр» телеграм-каналында Шәүвәл аенда ураза тоту турында аңлаталар.

12 апрельдә Татарстанда аязучан-болытлы һава торышы була. Төнлә кыска вакытлы яңгыр явачак, кайбер районнарда яшенле яңгыр. Көндез урыны белән бераз яңгыр явачак. Көньяк-көнбатыштан уртача тизлектә, урыны белән 15-18 метр тизлектә көчле җил. Төнлә һава температурасы +5..+10˚, көндез +14..+19˚ градус.

Эльмира Кәлимуллинага Татарстанның халык артисты исеме бирелгән.

«Син бу хакта хыялландыңмы, дип сорасагыз, җавап бирәм – юк, хыялланмадым да. Әйе, мин музыка белән яшим, минем бөтен иҗатым мәдәниятебезне ярату белән сугарылган. Кечкенәдән төрле җыр бәйгеләре, фестивальләр, соңрак телевизион проектларда мин туган телемдәге җырлар башкардым. «Голос»тагы бер мизгелне искә алам. «Син нәрсә җырлыйсың?» – дип сорадылар. «Мин татар һәм рус телләрендә җырлыйм. Мин – татар кызы», – дидем. «Пиарщиклар»... Читать дальше...

Башкортстан табиблары тәнендә «караҗиләкле кекс» тибындагы тимгелләр булган сабыйны коткарып калган. Сабый Куватов исемендәге Республика клиник хастаханәсенең перинаталь үзәгендә җитлеккән килеш дөньяга килә. Тик аның хәле бик авыр була. Бу турыда «Башинформ» хәбәр итте.

Җырчы Ришат Төхвәтуллин белән Алия Карачуриналарның әти-әни булулары турында хәбәр иткән идек. Сабый әтисе Башкортстан якларында гастрольләрдә булган вакытта дөньяга килде. Бәби туу турындагы хәбәр булу белән, Ришат төнлә 430 чакрым ара узып, ашкынып, Казанга кайткан. Бу хакта аның сеңлесе Айгөл Бәдретдинова сөйли. Айгөл үзе дә төне буе Алия белән бәби янында булган.

Җырчы ИлСаф, «хатыныңны күрсәтмисең» диючеләргә җавап итеп, тормыш иптәше Зилә белән мәчеттә төшкән фотосын куйган.

Икътисадчы, шагыйрә, җырлар авторы Ландыш Равилова тел саклау мәсьәләсендәге фикерләре белән уртаклаша.

Алия һәм Ришат Төхвәтуллиннар гаиләсендә искиткеч зур сөенеч – иҗади гаилә әти-әни булды. Кичә, 10 апрель көнне, аларның уллары туган!

Гүзәл Уразова «Язлар булып кайт» җырына яңа сулыш биргән.

«Хәтерлисезме бу җырны? Хәтерләсәгез, кайда ишеткән идегез, ничек итеп исегездә калган? «Язлар булып кайт» – Марат Мухин миңа язган бердәнбер җыр, күптән түгел ул аны яңартты. Ничек чыккан? Супер бит!» – дип язган җырчы социаль челтәрдәге сәхифәсендә.

Җырчының тамашачылары бу җырны хәтерләүләре һәм иң яраткан җырларының берсе булуы хакында язып калдырган.

Спам-шалтыратулар өчен зур күләмдәге штрафлар аларның санын вакытлыча киметәчәк, әмма кирәкмәгән реклама җибәргәннәре өчен Монополиягә каршы федераль хезмәткә шикаятьне дөрес бирү мөһим, диде Россиянең атказанган юристы Иван Соловьев «Прайм» агентлыгына биргән интервьюсында. Бу хакта РИА Новости агентлыгы хәбәр итә.

Якутиядә яшәүче ир-ат хатынының борынын һәм колагын кисеп алган. Аны полиция тоткарлаган. Бу турыда «Комсомольская правда» хәбәр итте.

«Руки Вверх!» төркеменең лидеры Сергей Жуковның һәм аның хатыны Регинаның узган елның 7 декабрендә уллары туды. Малайга Эван дип исем кушканнар. 5 бала атасы дулкынландыргыч мизгел фотолары белән әле яңа гына бүлеште. Ул бишенче баласы туган хастаханәдән гаилә фотосын күрсәтте.