Новости за 12.04.2024

Быелгы язгы ташу башка елгылардан да көчлерәк булды кебек. Россиянең башка төбәкләрендә генә түгел, Татарстан районнарында да кар сулары, ярларыннан чыгып ташыган елгалар халыкны бер яктан куркуга калдырса, икенче яктан табигать күренеше белән сокландырды. Халык социаль челтәрләрдә язгы ташу, боз китү күренешләре белән бүлешә.

Ростов өлкәсендә Песчанокопский авылында яшәүче 4 пенсионер хатын зираттан кайтып килгәндә авариягә очраган. Өчесе һәлак булган, берсе имгәнгән, ул хастаханәдә. Бу турыда «Комсомольская правда» хәбәр итте.

Илсөя Бәдретдинованың Салават шәһәрендәге концертында көтелмәгән хәл булган. Аппаратура эшендә хилафлыклар килеп чыгу сәбәпле, җырчыга бер җырны кат-кат җырларга туры килгән.

Филология фәннәре докторы, Галимҗан Ибраһимов исем. Тел, әдәбият һәм сәнгать институтының өлкән фәнни хезмәткәре Ләйсән Нәдершина Тукай премиясенә кандидат Ләис Зөлкарнәй иҗатына карата фикере белән уртаклаша.

Бразилиянең Төньяк Паран һәм Сан-Паулу университеты галим-биотехнологлары Америка галимнәре белән бергә генетик модификацияле (ГМО) трансген сыер токымы чыгарган. Бу сыерның сөтендә кеше инсулины аксымнары барлыкка килә. Бу тикшеренү турында «Biotechnical Journal» фәнни журналына сылтама белән «Газета.Ру» сайты яза.

Минзәлә районы Чулпан авылы халкы юлсызлыктан интегә. Язын сазлыкка әверелгән юлда хәтта тракторлар да батып кала. Авыл кешеләренә машиналарын юлда калдырып, җәяү йөрергә туры килә. 7 километр озынлыктагы бу юл һәр яз, көз һәм яңгырлы көннәрдә җәй көне дә баткаклыкка әверелә. Богодаровка һәм Гришкино авылларында яшәүчеләр дә бу юл аркасында газап чигә, үз йортларына барып җитә алмыйлар, дип яза «Именно шулай» телеграм-каналы.

13 апрельдә Татарстанда болытлы, төнлә аязучан-болытлы һава торышы була. Төнлә һәм көндез яңгыр явачак. Көньяк-көнбатыштан, төньяк-көнбатыштан уртача тизлектә, көндез урыны белән 15-17 метр тизлектә көчле җил. Төнлә һава температурасы +3..+8˚, көндез +8..+13˚ градус.

Мошенниклар халыкны алдауның яңа ысулын уйлап чыгарган. Алар хәзер кешеләргә нейрочелтәрләр аша ясалган тавышлы смс-хәбәрләр юллый. Аларны мессенджерларда аккаунт яки номер хуҗасы исеменнән танышлары, дус-ишләренә җибәрә. «Yummy Music Band» солисткасы Эльвира Мифтахова да шушы ысул белән эш иткән мошенниклар корбаны булган. Алар Эльвираның тавышын кулланып, дуслары һәм хезмәттәшләренә аудиохәбәрләр җибәргәннәр. Җырчы безгә әлеге ситуациягә килеп эләккәч шок халәтендә калуын, нәрсә эшләргә белмәвен сөйләде. Читать дальше...

Казанның Универсиада проспектындагы биек йорт янында 14 яшьлек үсмернең мәете табылган иде. Ул 10 каттан егылган. Шаһитлар «ашыгыч ярдәм» чакырта, әмма малай инде үлгән булган.

Уфа үзәгендә, Карл Маркс урамында, полиция хезмәткәренә һөҗүм иткәннәр. Билгесез ир-ат аңа пычак кадаган. Бу хакта «SHOT» Телеграм-каналы яза.

45 ел буе ракеталар проектлаучы булып эшләгән Миңнетаһир Байбеков бергә эшләгән хезмәттәшләрен искә ала. Аның Салихҗан абыйсы Юрий Гагарин белән бергә Оренбург очучылар училищесын тәмамлаган, бер эскадрильядә, бер звенода хезмәт иткән. Салихҗан Байбеков Гагаринның аны ничек кунак итүен сөйләгән.

Оренбургта моңа кадәр күрелмәгән дәрәҗәдә су басу күзәтелә – Урал елгасы 10 метрга күтәрелгән. Моңа кадәр беркайчан да су басмас дип уйланылган урыннарны да су баскан.

Питрәч районы Олан Илендә яшәүче Нурия һәм Рамил Камалетдиновлар бакчадагы алмагачларын куяннар кимерүдән зарлана. Хуҗабикә алмагачларын видеога төшергән. Шулай ук Мамадыш районында яшәүчеләр арасында да бу хакта әйтүчеләр бар.

Петербургта музыкаль комедия театрында эшче ир-ат оркестр чокырына егылып төшкән. Аның күкрәк читлеге ярылган. Бу турыда РЕН ТВ хәбәр итте.

Танылган алып баручы Зөлфәт Зиннуров социаль челтәрдәге сәхифәсендә ярдәм сорарга мәҗбүр булган. Беренче очракта ул, улы Рәхимне кайгыртып, балыкчылардан ярдәм сораган, икенче очракта, этен кайгыртып, чит илдә ял итүчеләргә 20-40 кг гына «дару» алып кайтуларын сорап мөрәҗәгать иткән.

Россия үз-үзенә кул салучылар саны буенча 10 лидер ил арасына керә. Үз-үзләренә кул салу омтылышы ясаган кешеләр «Афиша Daily» сайтына бу адымга нәрсә этәрүе һәм аннан соң үз тормышларын ничек төзүләре турында сөйләгән.