Dobbel feiring for Flamengo
Laurdag vann Flamengo finalen i Copa Libertadores – Sør-Amerikas meisterliga. Mindre enn 24 timar seinare kunne dei feire ligameisterskapet i Brasil.
Det sikra dei seg då hardaste konkurrent Palmeiras tapte for Gremio. Palmeiras er 13 poeng bak Flamengo med fire kampar igjen å spele.
Det er første gongen eit lag frå Brasil har vunne Copa Libertadores og den brasilianske ligaen same året sidan Santos gjorde det i 1963. På det laget spela Pelé.