Қайта туғилиш: Танасида 16 та игна бўлган боланинг аҳволи яхшиланмоқда (Видео)
![Қайта туғилиш: Танасида 16 та игна бўлган боланинг аҳволи яхшиланмоқда (Видео)](http://uznews.uz/upload/news/medium/20180221090842L.jpg)
Тиббиёт фанлари доктори, профессор Ҳабибулла Оқилов боланинг аҳволи ҳали қониқарли эмаслигини лекин, унинг соғлиги кун сайин яхшиланиб бораётганини таъкидлади.
Республика шошилинч тиббий ёрдам кўрсатиш илмий марказига олиб келинган 11 ойлик чақлоқнинг танасидан 16 та игна топилгани тасдиқланди.
Бу ҳақда гапирар экан, тиббиёт фанлари доктори, профессор Ҳабибулла Оқилов боланинг буйин қисми, ичак ичида, қорин бўшлиғи, жигар остида, ошқозон ости безида, сийдик қопи ва тўғри ичакнинг орасида бўлган игналарни олиш учун 9 соатли жарроҳлик амалиёти ўтказилганини сўзлаб берди.
Азизбек Абдумажидов танасида ҳозирча яна 3 та игна қолмоқда ва шифокорларнинг фикрига кўра, бу игналар боланинг ҳаётига унчалик катта хавф туғдирмалигини инобатга олиб бу амалиётни бироз кейин қилинишини айтиб ўтишмоқда.
Боланинг аҳволини қониқарли деб бўлмасада, лекин вазият ва унинг соғлиги яхши томонга ўзгараётгани ҳам таъкидланган.