34 straffer før avgjerda fall
Taunton slo Truro etter 34 straffer i ein cupkamp i England i går. Etter 17 til kvart lag vann Taunton 12-11, melder BBC.
Det stod 3-3 etter dei fem ordinære straffene. Deretter bomma begge på straffe nummer 11, 15 og 16, før Truro også bomma på nummer 17.
Det er tangering av den britiske rekorden. Også Oxford United og Chelseas U23-lag brukte 34 straffer i ein kamp i 2016.
– Det gjekk så hardt utover bana at vi måtte byggje opp att straffemerket etterpå, sa Tauntons styreleiar, som også er banesjef i klubben.