Гвардиола: Нега Мармуш кам ўйнаяпти?
"Манчестер Сити" бош мураббийи Хосеп Гвардиола ҳужумчи Умар Мармушнинг ўйин вақти кам бўлаётгани ҳақида фикр билдирди. Сўнгги вақтларда мисрлик футболчи асосан захирадан майдонга тушмоқда ва ўйинларнинг охирги дақиқаларида иштирок этмоқда.
“Умар – жамоамиздаги энг яхши футболчилардан бири. Бироқ мен уни ҳужумчи позициясида кўряпман, бу позицияда эса Эрлинг Холанд ўйнаяпти. Шунинг учун Мармуш ўзига лойиқ ўйин вақтини камроқ олмоқда,” – деди Гвардиола интервьюсида.
Умар Мармуш бу мавсумда “шаҳарликлар” сафида 13 та ўйинда майдонга тушган, бироқ фақат тўрт марта асосий таркибда ўйнаган.
Йил бошида Англия гранди клуби уни Франкфуртнинг “Айнтрахт” жамоасидан 75 миллион еврога сотиб олган эди.