Премьер-лигада 22-тур ўйинлари старт олди: Манчестер дербиси марказда

Хабарингиз бор, бугун Англия Премьер-лигасининг 22-тури расман бошланади. Мухлислар учун энг қизиқ нуқта — албатта, Манчестер дербиси: “Манчестер Юнайтед” ва “Манчестер Сити” ўзаро тўқнаш келади. Бироқ бугунги дастурда фақат дербигина эмас — Лондон, Мерсисайд ва бошқа майдонларда ҳам интрига етарли.

Қуйида беллашувлар рўйхати ва старт вақти:

17:30: "Манчестер Юнайтед" - "Манчестер Сити"
20:00: "Челси" - "Брентфорд"
20:00: "Лидс" - "Фулхэм"
20:00: "Ливерпуль" - "Бёрнли"
20:00: "Сандерленд" - "Кристал Пэлас"
20:00: "Тоттенхэм" - "Вест Хэм"
22:30: "Ноттингем Форест" - "Арсенал"

Маълум қилинишича, тур доирасидаги қолган 3 та учрашув якшанба куни бўлиб ўтади. Демак, 22-тур интригаси икки кунга тенг тақсимланган — кимдир бугун кайф қилади, кимдир эртага.

Эслатиб ўтамиз, ушбу турдан олдин турнир жадвалида “Арсенал” пешқадамлик қилмоқда. Лондонликлар 6 очколик устунлик билан Гвардиола бошқарувидаги “Манчестер Сити” ҳамда Унаи Эмери қўл остидаги “Астон Вилла”ни ортда қолдирган. 4-поғонада кетaётган “Ливерпуль” ҳисобида эса 35 очко бор.

Қисқаси, бугун майдонларда “ҳар дақиқа — сюжет”. Дерби, юқори ўринлар учун кураш, еврокубоклар йўлидаги рақобат — ҳаммаси бир кунга жамланган.