Барколянинг битта голи ПСЖни пешқадамга айлантирди
Франция чемпионатининг 19-турида «ПСЖ» сафарда «Осер» меҳмони бўлди. Қаттиқ кураш ва сабр талаб қилган учрашувда парижликлар минимал ҳисобда ғалаба қозониб, муҳим уч очкони қўлга киритди.
Баҳс давомида «Осер» ўз майдонида осон таслим бўлмаслигини кўрсатди: жамоа ихчам ҳаракат қилди, ҳимояда зич ўйнади, «ПСЖ» эса узоқ вақт ҳал қилувчи зарбани топа олмади. Аммо юқори класс барибир ўз сўзини айтди.
Учрашувнинг 79-дақиқасида Брэдли Барколя вазиятдан унумли фойдаланиб, баҳсдаги ягона голни урди ва жамоасига ғалаба совға қилди — 0:1. Қолган дақиқаларда «ПСЖ» ҳисобни асраб қолишга эътибор қаратди ва вазифани бажарди.
Франция чемпионати. 19-тур
Осер – ПСЖ 0:1
Гол: Барколя 79
Осер – Леон, Си, Диоманде, Сеная, Акпа, Эл Аззоузи, Менсаҳ, Аҳамада (Матондо, 46), Даноис, Синайоко, Намасо.
ПСЖ – Шевале, Заир-Эмери, Забарний, Бералдо, Эрнандес, Мбайе (Дуэ, 61), Витиня, Маюлу, Хвича, Рамуш (Дембеле, 62), Барколя.
Шу тариқа, «ПСЖ» очколарини 45 тага етказиб, турнир жадвалида 1-ўринга кўтарилди. «Осер» эса 13 очко билан 17-поғонада қолди — пастки қисмдаги кураш улар учун энди янада қаттиқлашади.