Компани Европа Чемпионлар лигасида ПСВни баҳолади
«Бавария» бош мураббийи Винсан Компани Чемпионлар лигасида ПСВга қарши бўладиган ўйин олдидан рақибнинг кучли томонлари ҳақида фикр билдирди. Бу ҳақда euro-football.ru хабар беради.
Учрашув Нидерландияда умумий босқичнинг якуний тури доирасида ўтади.
Компани матбуот анжуманида ПСВнинг йирик ғалабалари эътиборни тортишини таъкидлади: «Наполи» устидан 6:2 ва «Ливерпул»га қарши 4:1 натижалари жамоанинг ўзига ишончини кўрсатади. Унинг сўзларига кўра, ПСВ ҳужумда анча хавфли, қарши ҳужумга жуда тез ўтади ва таркибида доим гол уриши мумкин бўлган футболчилар бор. Шунингдек, у ПСВ «Юнион Сент-Жиллуа»га ютқазганини эслатиб, «Биз — “Бавария”. Биз “Наполи” ва “Ливерпул” даражасига яқинмиз, аммо эртанги ўйинда барибир ниҳоятда эҳтиёт бўлишимиз керак», деди.
«Бавария» аллақачон 1/8 финалга тўғридан-тўғри йўлланмани кафолатлаган. ПСВ эса жадвалда 22-ўринда бўлиб, плей-оффнинг дастлабки босқичига чиқиш учун кураш олиб бормоқда.