Деменкo Чемпионлар лигасида асосий даъвогарларни санади
Россия терма жамоасининг собиқ футболчиси Максим Деменкo УЕФА Чемпионлар лигасининг жорий мавсумида кимлар кубок учун курашда олдинда эканини айтди. Бу ҳақда euro-football.ru хабар беради.
Мутахассиснинг фикрича, асосий фаворитларни аниқ ажратиш осон эмас: айрим гранд клублар одатдагидан пастроқ ҳолатда турибди.
Деменкo «Барселона» мавсум давомида анча ишончли кўринаётганини таъкидлади. Шунингдек, у «Реал»ни доим барча совринлар учун охиригача курашадиган жамоа сифатида, «Ливерпул»ни эса турнирнинг доимий даъвогари сифатида тилга олди.
Етти турдан сўнг турнир жадвалининг илк саккизталигида «Арсенал», «Бавария», «Реал», «Ливерпул», «Тоттенҳем», «ПСЖ», «Ньюкасл» ва «Челси» жойлашган.
Эслатиб ўтамиз, Чемпионлар лигасининг амалдаги ғолиби — французнинг «ПСЖ» клуби: у ўтган мавсум финалида «Интер»ни 5:0 ҳисобида йирик мағлуб этган.