Паганин "Наполи" чемпионлигини сақлаб қолишига ишонмаяпти
“Интер”нинг собиқ футболчиси Антонио Паганин “Наполи” ўтган мавсум қўлга киритган скудеттони бу йил ҳам ҳимоя қила олишига шубҳа билдирди. Унинг фикрича, турнир жадвалида ҳозирча неаполликлардан ортда бўлса-да, “Ювентус” Милан клублари ўртасидаги чемпионлик пойгасига жиддий аралаша олади. Бу ҳақда euro-football.ru хабар беради.
Паганин, шунингдек, Спаллеттининг ишига юқори баҳо берди: у мураббий нима қилаётганини яхши билишини таъкидлади ва унинг миллий жамоа билан муваффақиятсиз ишлаганини ҳамон тушунмаслигини айтди. Эксперт “Милан”нинг муҳим устунлиги — кубок ўйинлари йўқлиги эканини, “Интер” эса очколар бўйича олдинда турганига қарамай, олдинда дерби ва яна бир қатор ҳал қилувчи учрашувлар борлигини қайд этди. Паганин назарида ҳаммасига 8 мартдаги дерби якун ясайди, дея унинг сўзларини fcinter1908.it келтиради.
Эслатиб ўтамиз, Антонио Паганин 1990–1995 йилларда “Интер” шарафини ҳимоя қилган.