Ўртоқлик ўйини. Франция Бразилияни мағлубиятга учратди
Жаҳон чемпионати йўлланмасини олган терма жамоалар ФИФА кунлари доирасида бир қатор ўртоқлик ўйинларини ўтказмоқда. Бу баҳслар жамоалар учун майдонда ҳаракатларни синовдан ўтказиш, тактик тайёргарликни мустаҳкамлаш ҳамда мухлисларга шодлик бағишлаш имконини бермоқда.
26 март куни АҚШдаги Фоксборо шаҳридаги «Жилетт» стадионида бўлиб ўтган ўртоқлик баҳсида Франция ва Бразилия терма жамоалари майдонга тушди. Баҳсда Европа вакиллари Мбаппе ва Экитике голлари эвазига 2:1 ҳисобида ғалаба қозонди. Бразилия томонидан ягона гол 78-дақиқада Бремер томонидан киритилди.
Ўртоқлик ўйини
Бразилия — Франция 1:2
26 март. Фоксборо. «Жилетт»
Голлар: Бремер (78) — Мбаппе (32), Экитике (65).
Бразилия — Эдерсон, Уэсли (Ибанес, 71), Бремер, Перейра, Д.Сантос (Данило, 71), Каземиро (Сара, 84), А.Сантос, Рафиня (Л.Энрике, 46), Мартинелли (Жоао Педро, 62), Винисиус, Куня (Игор Тиаго, 71).
Франция — Менян, Густо (Калулу, 90+2), Конате, Упамекано, Тео, Рабио, Чуамени (Канте, 58), Дембеле (Лакруа, 58), Олисе (Аклиуш, 90+2), Экитике (Дуэ, 66), Мбаппе (Тюрам, 66).
Огоҳлантиришлар: Перейра (29), Каземиро (38), Конате (72), Бремер (76), Ибанес (81), Калулу (90+4), Менян (90+8).
Четлатиш: Упамекано (55).
Ўртоқлик учрашуви ҳар иккала терма жамоа учун тактик тажриба ва майдондаги ўзгарувчан вазиятларда қарор қабул қилиш қобилиятини синовдан ўтказиш имконини берди. Мухлислар учун эса бу баҳс Европанинг ёрқин юлдузлари Мбаппе ва Экитикенинг маҳоратларини кўриш учун ажойиб лаҳза бўлди.