Элвин Грейга повестка бирмәкче булганнар
Радик Юльякшинны хокук сакчылары 4 февраль төнендә аэропорт янында тоткарлаган.
Хокук сакчылары җырчы Элвин Грейга (Радик Юльякшин) Тикшерү комитетына повестка бирергә тырышканда төшерелгән видео бүген социаль челтәрләрдә таралды.
«Mash» мәгълүматлары буенча, Радик Юльякшинның хатыны Инзилә вазифаи затка ришвәт бирүдә шикләнә. Янәсе, ришвәт ярдәмендә ул имтиханнарсыз автомобиль белән идарә итү хокукы алырга җыенган.
Видеодан күренгәнчә, Радик Юльякшинны хокук сакчылары 4 февраль төнендә аэропорт янында тоткарлаган. Җырчының ялдан Уфага кайткан вакыты булган. Хокук сакчылары аны Тикшерү комитетына шаһит буларак чакыртырга теләгән.
«Комсомольская правда» социаль челтәрләрдә таралган видеога сылтама белән, җырчының фикерен китерә.
«Аэропортта халык алдында хурладылар, тамаша ясадылар. Ә бары тик тикшерү комитетына ниндидер «сул» эш буенча шаһит сыйфатында чакыру турындагы повестка. Үзләре язмача вәкаләтләрен күрсәтмәделәр, нинди эш, нинди статья икәнен аңлатмадылар. Сез барысын да яхшы, лаеклы эшли алмыйсыз микәнни? Уфа - «кабул итүегез өчен рәхмәт», - дип яза «Комсамольская правда» җырчының сүзләрен.