Өенә кайтып җитәргә бер километр калгач, бер ир-ат урманда өшеп үлгән
55 яшьлек Валерий Мәскәү өлкәсенең Клин шәһәрендә ялгызы гына яши. Ул туганнары белән көн саен телефон аша аралашып тора. Февраль азагында аның белән элемтә өзелә. Туганнары борчыла, Валерийны эзли башлый. Волонтерлар да ярдәм итә. Валерийның Мәскәүгә баруы, вокзалларның берсендә булуы да ачыклана. Бу турыда « Комсомольская правда » яза.
«Аның сәламәтлеге белән проблемалар бар иде, аңын югалтуы ихтимал. Ярославль вокзалында хәле киткән, ләкин ул хастаханәгә барудан баш тарткан, Казан вокзалына киткән. Ләкин өенә кайтып җитмәгән», — ди Валерийның туганы.
Вокзалдан соң Валерийның эзе югала. Эзләү дәвам итә. 9 мартта Валерийның мәетен Клин шәһәреннән ерак түгел урында табалар. Ул өенә бер километр чамасы кайтып җитми калган, ул урманда өшеп үлгән.
Аның мәетендә көч кулланып үтерү билгеләре ачыкланмаган. Экспертизалар билгеләнгән, диелә хәбәрдә.