Башкортстан кешесе заправкада машинасын коткарырга маташканда фура астында калган
Башкортстан кешесе Абакан шәһәрендә заправкада имгәнгән. Аны фура таптаган. Бу турыда « Башинформ » яза. 23 февральдә заправкада йөк машинасы биредә үк тукталган җиңел автомобиль йөртүчесен таптый, дип хәбәр иткән Хакасия буенча ЮХИДИ. «Ярымприцеплы Volvo йөк машинасы заправка комплексыннан бара. Аның Lada Vesta йөртүчесен таптаган мизгелен видеокүзәтү камерасы төшереп тора. Җиңел машина хуҗасы үзенең машинасын фураның ярымприцебына бәрелүдән саклап калырга маташкан, үзе чак кына җитди имгәнмәгән», — диелә бу хәбәрдә. Башкортстанда яшәүче 47 яшьлек ир-атның таз-бот буыны имгәнгән. Ике машинаны йөртүче дә аек булган. Тикшерү бара, диелә хәбәрдә.